ਜਲੰਧਰ ਆਰ.ਟੀ.ਓ.ਆਫਿਸ ਅਤੇ ਆਟੋਮੋਟਿਵ ਡ੍ਰਾਈਵਿੰਗ ਟਰੈਕ ਪਿਛਲੇ ਕਈ ਸਾਲਾਂ ਤੋਂ ਸੁਰਖੀਆਂ ਵਿੱਚ ਰਹੇ ਹਨ,ਪਰ ਇਸ ਵਾਰੀ ਉਹ ਲੋਕਾਂ ਲਈ ਇੱਕ ਵੱਡੀ ਮੁਸ਼ਕਲ ਬਣ ਚੁੱਕੇ ਹਨ।ਪਿਛਲੇ ਇੱਕ ਮਹੀਨੇ ਤੋਂ ਡ੍ਰਾਈਵਿੰਗ ਟਰੈਕ ਬੰਦ ਹੋਣ ਕਾਰਨ,ਨਵੇਂ ਡ੍ਰਾਈਵਰਾਂ ਅਤੇ ਆਵਦਨ ਪ੍ਰਕਿਰਿਆ ਵਿੱਚ ਸ਼ਾਮਿਲ ਹੋਣ ਵਾਲੇ ਲੋਕਾਂ ਨੂੰ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਲੋਕਾਂ ਦੇ ਅਰਜ਼ੀਆਂ ਅਜੇ ਵੀ ਪੈਂਡਿੰਗ ਚੱਲ ਰਹੀਆਂ ਹਨ,ਜਿਸ ਨਾਲ ਕਈ ਵਿਅਕਤੀਆਂ ਦੀਆਂ ਪ੍ਰੀਖਿਆਵਾਂ ਅਤੇ ਡ੍ਰਾਈਵਿੰਗ ਲਾਇਸੈਂਸ ਦੇ ਜਾਰੀ ਕਰਨ ਦੀ ਪ੍ਰਕਿਰਿਆ ਰੁਕੀ ਹੋਈ ਹੈ।ਇਸ ਬਾਰੇ ਸਰਕਾਰ ਅਤੇ ਉਸ ਦੇ ਨੁਮਾਇੰਦੇ ਜ਼ਿਆਦਾ ਧਿਆਨ ਨਹੀਂ ਦੇ ਰਹੇ,ਜਿਸ ਨਾਲ ਜਨਤਾ ਵਿੱਚ ਅਣਕੰਪਲੈਟ ਅਤੇ ਸੇਵਾ ਦੇ ਪ੍ਰਦਾਨ ਲਈ ਚਿੰਤਾ ਦਾ ਮਾਹੌਲ ਬਣ ਗਿਆ ਹੈ।ਇਸ ਮਾਮਲੇ ਨੂੰ ਜਲਦੀ ਠੀਕ ਕਰਨ ਦੀ ਜਰੂਰਤ ਹੈ,ਤਾਂ ਜੋ ਲੋਕਾਂ ਨੂੰ ਮੁਸ਼ਕਲਾਂ ਤੋਂ ਛੁਟਕਾਰਾ ਮਿਲ ਸਕੇ ਅਤੇ ਆਰ.ਟੀ.ਓ.ਸਰਵਿਸਜ਼ ਮੁਹੱਈਆ ਹੋ ਸਕਣ।

ਸਾਡੀ ਟੀਮ ਵਲੋਂ ਲੋਕਾਂ ਦੀਆਂ ਸ਼ਕਾਇਤਾਂ ਨੂੰ ਦੇਖਦੇ ਹੋਏ ਟ੍ਰੈਕ ਦਾ ਦੌਰਾ ਕੀਤਾ ਗਯਾ,ਬੜੀ ਹੈਰਾਨੀ ਦੀ ਗੱਲ ਹੈ ਕੇ ਉਸ ਟ੍ਰੈਕ ਤੇ ਕੇਵਲ 2-3 ਕਰਮਚਾਰੀ ਹੀ ਮਿਲੇ ਅਤੇ ਨਾ ਹੀ ਅਜੇ ਤੱਕ ਕੋਈ ਇੰਚਾਰਜ ਲਗਾਇਆ ਗਿਆ ਹੈ.ਜਦੋਂ ਸਾਡੀ ਟੀਮ ਵਲੋਂ ਏ.ਆਰ.ਟੀ ਵਿਸ਼ਾਲ ਗੋਇਲ ਨਾਲ ਗੱਲਬਾਤ ਕੀਤੀ ਤਾਂ ਓਹਨਾ ਦਾ ਕਹਿਣਾ ਸੀ ਕੇ ਟਰੈਕ ਅੱਜ ਹੀ ਚਾਲੂ ਹੋ ਗਯਾ ਹੈ ਪਰ ਕੁਛ ਟੈਕਨੀਕਲ ਸਮੱਸਿਆ ਹੋਣ ਕਰਕੇ ਚੰਡੀਗੜ੍ਹ ਹੈਡ ਆਫਿਸ ਮੇਲ ਕੀਤੀ ਹੋਈ ਹੈ ਜਲਦ ਹੀ ਇਸਦਾ ਹੱਲ ਹੋ ਜਾਵੇਗਾ।

ਅਪਰੂਵਲਾਂ ਨੂੰ ਲੈ ਕੇ ਲੋਕਾਂ ਵਿਚ ਭਾਰੀ ਗੁੱਸਾ ਪਾਇਆ ਗਯਾ,ਉਹਨਾਂ ਦਾ ਕਹਿਣਾ ਸੀ ਕੇ ਆਨਲਾਈਨ ਹੋਂਦੇ ਬਾਵਜੂਦ ਅਫਸਰ ਆਪਣੀ ਮਨਮਰਜੀ ਨਾਲ ਅਪਰੂਵਲਾਂ ਕਰਦੇ ਹਨ,ਜਨਤਾ ਦਾ ਕਹਿਣਾ ਸੀ ਕੇ ਅਪਰੂਵਲ ਕਰਾਉਣ ਲਈ ਜੇਕਰ ਦਫਤਰ ਹੀ ਪੇਸ਼ ਹੋਣਾ ਹੈ ਤਾਂ ਫਿਰ ਇਸ ਆਨਲਾਈਨ ਕੰਮ ਨੂੰ ਹੀ ਬੰਦ ਕਰ ਦੇਣਾ ਚਾਹੀਦਾ ਹੈ.ਓਹਨਾ ਦਾ ਕਹਿਣਾ ਹੈ ਕੇ ਇਸਦੀ ਸ਼ਕਾਇਤ ਪੰਜਾਬ ਦੇ ਮੁਖ ਮੰਤਰੀ ਨੂੰ ਕੀਤੀ ਜਾਵੇਗੀ।