ਡੀਏਵੀ ਕਾਲਜ ਜਲੰਧਰ ਵੱਲੋਂ ਡੀਬੀਟੀ ਸਪਾਂਸਰਡ ਵਰਕਸ਼ਾਪ ਅਤੇ ਲੈਕਚਰ ਦਾ ਆਯੋਜਨ ਕੀਤਾ ਗਿਆ

ਡੀਏਵੀ ਕਾਲਜ ਜਲੰਧਰ ਦੇ ਫੂਡ ਸਾਇੰਸ ਐਂਡ ਟੈਕਨਾਲੋਜੀ ਵਿਭਾਗ ਨੇ ਪਿਛਲੇ ਹਫ਼ਤੇ ਪ੍ਰਿੰਸੀਪਲ ਡਾ. ਰਾਜੇਸ਼ ਕੁਮਾਰ ਦੀ ਅਗਵਾਈ ਹੇਠ ਏਐਫਐਸਟੀ ਸੋਸਾਇਟੀ ਦੇ ਸਹਿਯੋਗ ਨਾਲ ਡੀਬੀਟੀ ਸਪਾਂਸਰਡ “ਫਰੌਸਟਿੰਗ ਕੱਪ ਕੇਕ ਅਤੇ ਕੂਕੀਜ਼ ਤਿਆਰ ਕਰਨਾ” ਵਿਸ਼ੇ 'ਤੇ ਬੇਕਿੰਗ ਵਰਕਸ਼ਾਪ ਅਤੇ “ਜੈਨੇਟਿਕਲੀ ਮੋਡੀਫਾਈਡ ਫਸਲਾਂ” ਵਿਸ਼ੇ 'ਤੇ ਲੈਕਚਰ ਦਾ ਆਯੋਜਨ ਕੀਤਾ। ਵਾਈਸ ਪ੍ਰਿੰਸੀਪਲ ਪ੍ਰੋ. ਅਰਚਨਾ ਓਬਰਾਏ, ਵਿਭਾਗ ਮੁਖੀ ਪ੍ਰੋ. ਭਾਰਤੇਂਦੂ ਸਿੰਗਲਾ, ਪ੍ਰੋ. ਅਨੂ ਗੁਪਤਾ (ਕੋਆਰਡੀਨੇਟਰ ਡੀਬੀਟੀ, ਐਫਐਸਟੀ), ਪ੍ਰੋ. ਪੁਨੀਤ ਪੁਰੀ (ਸਮੁੱਚਾ ਡੀਬੀਟੀ ਕੋਆਰਡੀਨੇਟਰ) ਅਤੇ ਪ੍ਰੋ. ਪੰਕਜ ਗੁਪਤਾ (ਇੰਚਾਰਜ, ਏਐਫਐਸਟੀ) ਨੇ ਮਾਹਿਰਾਂ ਦਾ ਸਵਾਗਤ ਕੀਤਾ। ਵਰਕਸ਼ਾਪ ਵਿੱਚ ਮਾਹਿਰ ਇੰਸਟ੍ਰਕਟਰ ਸ਼ੈੱਫ ਭਾਗੀਰਥੀ ਮਹਾਜਨ ਨੇ ਵਿਦਿਆਰਥੀਆਂ ਨੂੰ ਕੱਪ ਕੇਕ ਅਤੇ ਕੁਕੀਜ਼ ਬਣਾਉਣ ਬਾਰੇ ਪ੍ਰੈਕਟੀਕਲ ਦਿੱਤਾ। ਵਿਦਿਆਰਥੀਆਂ ਨੇ ਕੱਪਕੇਕ ਫਰੋਸਟਿੰਗ ਦੀਆਂ ਵੱਖ-ਵੱਖ ਤਕਨੀਕਾਂ ਬਾਰੇ ਵੀ ਸਿੱਖਿਆ। ਲੈਕਚਰ ਵਿੱਚ ਡਾ: ਨਵੀਨ ਗੁਪਤਾ, ਪ੍ਰੋਫੈਸਰ ਅਤੇ ਚੇਅਰਮੈਨ, ਮਾਈਕਰੋਬਾਇਓਲੋਜੀ ਵਿਭਾਗ, ਪੰਜਾਬ ਯੂਨੀਵਰਸਿਟੀ, ਚੰਡੀਗੜ੍ਹ ਨੇ ਮੁੱਖ ਬੁਲਾਰੇ ਵਜੋਂ ਭਾਗ ਲਿਆ ਅਤੇ ਵਿਦਿਆਰਥੀਆਂ ਨੂੰ ਜੀਐਮ ਫਸਲਾਂ ਦੇ ਵੱਖ-ਵੱਖ ਪਹਿਲੂਆਂ ਬਾਰੇ ਜਾਣਕਾਰੀ ਦਿੱਤੀ। ਡਾ: ਗੁਪਤਾ ਨੇ ਜੀ.ਐਮ ਫੂਡਜ਼ ਦੇ ਇਤਿਹਾਸ, ਵਿਕਾਸ ਦੀ ਪ੍ਰਕਿਰਿਆ, ਵੱਖ-ਵੱਖ ਲਾਭਾਂ, ਵਿਵਾਦਾਂ ਅਤੇ ਨਤੀਜਿਆਂ ਬਾਰੇ ਬਹੁਤ ਪ੍ਰਭਾਵਸ਼ਾਲੀ ਢੰਗ ਨਾਲ ਦੱਸਿਆ। ਲੈਕਚਰ ਸਵਾਲ-ਜਵਾਬ ਦੇ ਸੈਸ਼ਨ ਨਾਲ ਸਮਾਪਤ ਹੋਇਆ।